Die Urkunden Heinrichs V. und der Königin Mathilde

Abbildungsverzeichnis der europäischen Kaiser- und Königsurkunden

<<148.>>

Heinrich nimmt das dem Kloster Cluny unterstellte Kloster San Benedetto Po in seinen Schutz und bestätigt ihm die von der (Mark-)Gräfin Mathilde geschenkten Besitzungen.

Speyer, 1115 Dezember 20.

(C.) In nomine sancte et indiviiduae (!) trinitatis. Heinricus divina favente clementia quartus Romanorum imperator augustus. Cum lubrici seculi condicio brevis sit et incerta, divinitus ammonemur, ut in hac valle lacrimarum, dum tempus habemus, seramus, quod in futuro cum gaudio metamus. Quapropter omnibus Christi nostrique fidelibus tam futuris quam presentibus notum fieri volumus, qualiter nos rogatu et petitione fidelium principum nostrorum, ob interventum etiam abbatis Cluniacensis Pontii, nostri dilecti consanguinei, et memoriam neptis nostrę Mathildis comittissę, abbaciam sancti Benedicti in Arione, quam antecessores ipsius ęcclesię Cluniacensi pro salute et remedio animarum suarum subdiderunt, sub mundiburdio nostrę tuitionis suscepimus et, quicquid Mathildis eidem ęcclesię donavit, dum vixit, et moriens dimisit, nos donamus et nostra imperiali auctoritate confirmamus, cum omnibus appendiciis, cultis et incultis, pratis, pascuis, silvis, venationibus, villis, areis, aquis aquarumque decursibus, molis, molendinis, viis et inviis, exitibus et reditibus et familia utriusque sexus et omni utilitate, quę inde exire vel contingere possunt. Precipimus etiam, ut nullus archiepiscopus, episcopus, marchio, comes, vicecomes, scultatius, gastaldio, vicedominus audeat predictam abbatiam de predictis bonis inquietare, molestare vel disvestire. Si quis vero, quod absit, huius nostri precepti paginam temerario ausu contraire temptaverit, auri libras centum componat, medietatem camere nostrę et medietatem supradicto loco. Quod ut verius credatur et ab omnibus inviolabiliter observetur, hanc cartam inde conscriptam et manu propria corroboratam impressione nostri sigilli insigniri iussimus.

Signum domni Heinrici quarti Romanorum imperatoris invictissimi. (M.9.) (SI.D.)

Burchardus cancellarius vice Frederici Coloniensis archiepiscopi et archicancellarii recognovit.

Data XIII. kal. ianuarii, indictione VIII, anno dominice incarnationis millesimo CXV, regnante Heinrico quinto rege Romanorum anno XI, imperante V; actum est Spirę; in Christo feliciter amen.