H. dei gratia Romanorum imperator augustus g. T. duci gratiam suam et omne bonum. Dominus Lutulfus rediviva quęrimonia ad nostram rediit clementiam, quod villam Fonteniacum in ius et possessionem ęcclesię suę minime restitueris et Karlonem ab eorum iniuria nequaquam represseris. Miramur ergo te in his omnibus nostrum neglexisse mandatum, et sicut episcopo Tullensi iniunximus, ut prefatam villam in usus pauperum Christi sasiret, ita tibi sub obtentu gratię nostrę iterum precipimus, ut ecclesiam sancti Leonis quiete et pacifice possidere prefatam villam facias. Vale. (S.D.)