Die Urkunden Heinrichs V. und der Königin Mathilde

Abbildungsverzeichnis der europäischen Kaiser- und Königsurkunden

<<202.>>

Heinrich bestätigt der bischöflichen Kirche von Brixen die von seinem Vater, Kaiser Heinrich (IV.), geschenkte Abtei Disentis sowie den gesamten übrigen Besitz.

Im Bistum Volterra, 1117 Juni 17.

(C.) In nomine sanctae et individuae trinitatis. Heinricus diviva aspirante clementia quintus rex Theuthonicorum et IIIItus imperator augustus Romanorum. Si ęcclesias in laudes et honores dei constructas aliquibus bonis ditare studuerimus, hinc remunerationem fine carentem nos recepturos non incerti erimus. Quocirca omnibus in Christo fidelibus notum esse volumus, qualiter nos divini fervoris instinctu pro remedio animę nostre parentumque nostrorum, interventu ac petitione dilectę coniugis nostrę Mathildis reginę, mediantibus principibus nostris, Herimanno Augustensi episcopo, Gebehardo Tridentino episcopo, Tvringone Vuicentino episcopo, Aribone Feltrensi episcopo, Erlolfo abbati Wldensi, Hvgoni Brixinensi episcopo ob retributionem fidelis famulatus sui necnon et ęcclesię in honore sanctorum martyrum Cassiani et Ingenvini dedicatę, cui videtur preesse, abbatiam Tisentinensem sitam in pago Curiensi, ab Heinrico imperatore augusto bonę memorię patre nostro Althvino episcopo predicteque ęcclesię in proprium traditam, cum omnibus ad eam iure pertinentibus, ęcclesiis, decimationibus, areis, edificiis, agris, campis, pratis, pascuis, silvis, venationibus, aquis aquarumve decursibus, piscationibus, molendinis, vineis, terris, cultis et incultis, exitibus et reditibus, viis et inviis, quesitis et inquirendis, cum familia utriusque sexus, omnesque eiusdem ęcclesię possessiones, quas ipsa ęcclesia olim per precepta regum sive imperatorum usque nunc visa est possidere, per hanc nostram paginam donamus et consolidamus atque confirmamus, ea videlicet ratione, ut prefatus episcopus suique successores liberam inde habeant potestatem, quicquid eis placuerit, faciendi ad utilitatem ęcclesię suę. Et ut hec nostrę donationis et corroborationis auctoritas firmior omni habeatur tempore, hoc preceptum inde conscriptum propria manu confirmavimus et sigillo nostro insigniri iussimus.

Signum domni Heinrici quarti Romanorum imperatoris invictissimi. (M.9.)

Burcardus cancellarius et episcopus Monasteriensis vice Gebehardi archicancellarii recognovit. (SI.D.)

Data XV. kal. iulii, indictione X, anno dominicę incarnationis millesimo CXVII, regnante Heinrico quinto rege Romanorum an[no] XImo, imperante VIImo; actum est in episcopatu Wlternensi; in Christo fęliciter amen.