(C.) In nomine sanctę et individuę trinitatis. Henricus divina favente clęmentia quintus rex Romanorum. Notum fieri volumus omnibus Christi nostrique fidelibus tam futuris quam presentibus, qualiter nos ob remedium animę nostrę nostrorumque parentum, consilio et rogatu Friderici Coloniensis archiepiscopi, Burchardi Monasteriensis episcopi, Euerhardi Heistetensis episcopi, Herimanni abbatis sancti Pantaleonis aliorumque nostrorum fidelium predia cuiusdam ancillę nostrę de Bobardo, viduę Gerdrudis, videlicet tres curtes, unam in villa Campo, aliam in villa Husůn, tertiam in villa Daleheim, sita in pago Einriche et in comitatu Lůdowici comitis de Arnstein, ęcclesię sancti Pantaleonis in Colonia voluntario assensu et rogatu eiusdem prenominatę viduę per propriam manum nostram et manum illius cum omnibus appenditiis, hoc est utriusque sexus mancipiis, areis, aedificiis, terris cultis et incultis, viis et inviis, pratis, pascuis, silvis, venationibus, aquis aquarumque decursibus, molis, molendinis, piscationibus, exitibus et reditibus, quesitis et inquirendis ac cum omni utilitate, quę ullomodo inde provenire poterit, firmando tradidimus, tradendo firmavimus, ea videlicet ratione, ut idem Herimannus abbas suique successores deinceps liberam potestatem de prefato predio commutandi, precariandi vel, quicquid sibi pro utilitate tamen ęcclesię placuerit, inde faciendi. Et ut hęc nostra regalis traditio firma et inconcussa omni evo permaneat, hanc cartam inde fieri fecimus eamque manu propria corroboratam, ut inferius apparet, inpressione nostri sigilli insigniri iussimus. Huius rei testes sunt, quorum nomina subscripta videntur: Fridericus Coloniensis archiepiscopus, Burchardus Monasteriensis episcopus, Euerhardus Heistetensis episcopus, Arnoldus prepositus, Iohannes decanus, Gerhardus comes de Gelera, Adolfus comes de Berge, Volcmarus, Erchinboldus, Gerhardus filius Gozwini, et de familia Bobardo Fridebreht, Arnolt, Annecho, Germar, Engilbreht, Gerlach, Tiderich.
Signum domni Heinrici quinti Romanorum regis invictissimi. (M.4.)
Adelbertus cancellarius vice Rothardi Mogontiacensis archiepiscopi et archicancellarii recognovi. (SI.1.)
Data IIII. non. novembris, anno dominicę incarnationis MCVII, indictione Ia, regnante Heinrico quinto Romanorum rege anno IIIo, ordinationis autem anno VIIIIo; actum est Colonię; feliciter in Christo amen.