Die Urkunden Heinrichs V. und der Königin Mathilde

Abbildungsverzeichnis der europäischen Kaiser- und Königsurkunden

<<257.>>

Heinrich restituiert dem Nonnenkloster Kaufungen aufgrund eines Fürstenspruches die diesem gewaltsam entzogenen Besitzungen, namentlich die im Forst Kaufungerwald gelegenen Dörfer Heiligenrode und Umbach.

Neuhausen, 1123 Mai 8.

(C.) In nomine sanctae et individuę trinitatis. Heinricus divina favente clementa (!) quartus Romanorum imperator augustus. Divinis et salutaribus sanctarum scripturarum amonemur documentis et erudimur, ut ęcclesias deo dicatas cum larga benivolentia ditemus et pia devotione amplificare non cessemus, et si qua violenter sunt ablata, nos [ea imperiali restitu]amus auctoritate. Notum igitur omnibus tam presentibus quam futuris Christi fidelibus esse volumus, qualiter nos pro remedio animę nostrę et paren[tum nostrorum............] ęcclesia Cǒfungensis in foreste Cǒfhungeruualt appellata quorundam violentia amiserat, digna et devota peticione Gislę abbatissę eid[m] ęccl[esi]ę [........] remisimus. Nominatim autem IIas villas Helingenrodh scilicet et Vmbach in eodem foreste (!) sitas, cum omni iure, areis, edificiis, terris cultis sive incultis, pratis, pascu[is,...., aquis aquarum]ue decursibus, piscationibus, molendinis, silvis, venationibus, viis et inviis, exitibus et reditibus, quesitis et inquirendis, omnemque utilitatem, quę vel in presenti vel in fut[ur]o inde provenire potest, in communem sororum ibidem deo famulantium usum concedimus, transfundimus et confirmamus. Hoc autem tam iusto rogatu quam recto iudicio principum, qui presentes aderant, rationabiliter fecimus. Quorum nomina hęc sunt: Adelbertus Mogontinus archiepiscopus, Fridericus Coloniensis archiepiscopus, Bruno Spirensis episcopus, Stephanus Metensis, Bertolfus Hildemensis, Heinricus Paderbrunnensis, Gebehardus Herbipolensis, Ǒdalricus Eistatensis; dux Heinricus Bauuariorum, Fridericus dux et frater eius Conradus, Godefridus palatinus comes, Ludeuuicus comes et frater eius Heinricus, Adelbertus eiusdem ęcclesię advocatus, Gozmarus et fratres eius; Duto Mogontinę ęcclesię archidiaconus, Richardus cantor eiusdem ęcclesię, Gotteboldus Frislariensis ęcclesię prepositus, Adelbertus Wormatiens[is ę]cclesię prepositus; Bertoldus comes, Conradus, Folcmarus dapifer, Heinricus marescalcus. Ut autem huius nostrę concessionis privilegium stabile et inconvulsum permaneat, hanc inde cartam propria manu corroboratam scribi et sigilli nostri impressione iussimus insigniri.

Signum Heinrici quarti Romanorum imperatoris (M.9.) invictissimi.

Phillippus cancellarius regognovi (!) vice Adelberti Mogontini archicancellarii. (SI.D.)

Data apud Nuhusen, anno dominicę [incarnationis MCX]XIII, indictione XIIIma, VIII. id. mai.