Die Urkunden Heinrichs V. und der Königin Mathilde

Abbildungsverzeichnis der europäischen Kaiser- und Königsurkunden

<<†282.>>

Unecht.

Heinrich bestätigt dem Domkapitel von Meißen die Übereignung des 9 Hufen umfassenden Dorfes Zuitecha durch den Reichsministerialen Hugo von Wartha und gewährt für dieses Freiheit von allen weltlichen Abgaben.

Goslar, 1107 Dezember 28.

(+) In nomine sancte et individue trinitatis. Ego Heinricus divina favente clementia quintus Romanorum rex. Notum sit omnibus tam presentis quam etiam futuri evi fidelibus, quod fidelis regni ministerialis Hugo videlicet de Warda villam integram sui iuris nomine Zuitecha novem mansos continentem nullo reclamante ecclesie Misnensi beati Iohannis apostoli et evangelistę necnon et beati Donati martyris ad usus fratrum ibidem deo famulantium fideli devotione obtulit, quatenus hoc tam felici commertio suam parentumque suorum animas celestis regni heredes efficeret. Devotionem itaque illius attendens simulque sue ac venerabilis Hereuuici prefate ecclesię episcopi piis postulationibus acquiescens hanc deinceps ab omni seculari exactione liberam fore decrevimus assensumque nostrum huic traditioni non negantes privilegium hoc sigilli nostri impressione munitum proprie manus subscriptione roboravimus ac testium idoneorum subnotatione confirmari precepimus. Signum domni Heinrici quinti Romanorum regis invictissimi. Signum Frederici Coloniensis archiepiscopi. Signum Brunonis Treuerensis. Signum Adalgot Magdeburgensis; episcoporum: Albuini Merseburgensis, Ottonis Bauenbergensis, Burchardi Monasteriensis; laicorum: Lutheri ducis, Ottonis comitis, Rodulfi comitis, Wiberti comitis.

Actum anno dominice incarnationis millesimo CoVIIIo, indictione Ia, et datum in ecclesia Goslariensi per manum Alberti cancellarii Vo kal. ianuarii; feliciter.

(SI.F.) (M.6.)